الفيصلي والوحدات رؤية شبابية كتبت هبة خالد

الفيصلي والوحدات: الاردن وفلسطين “رايح جاي”
تعرفوا انه الفيصلي .. أول نادي اردني لعب على ارض فلسطين!
وكان الجمهور الفلسطيني يستقبله بالورد ويشجعه خصوصا بالخليل..! 💚

تعرفوا انه الفيصلي أول نادي اردني كسر الحصار الصهيوني ودخل لغزة .. 💚🔐 تعرفوا انه الفيصلي تأسس تحت مسمى كشافة الفيصلي عام 1932 وكان هدفه مقاومة الاحتلال الغاشم على بلاد الشام وأنه أحد مؤسسي النادي نابلسي وانه دخل بعضويته الشركسي والفلسطيني والشامي والاردني. 💚🤞

تعرفوا أنه المرحوم عاكف الفايز كان رئيس فخري لنادي الوحدات الاردني .. تعرفوا انه اذا فلسطين تصرخ الاردن تبكي .. واذا الاردن تحكي ولا الضالين فلسطين تحكي آمين. 💚🔐

وقبل كل هذا .. تعرفوا انه الشيخ ابراهيم الضمور الكركي رفض تسليم الدخيل الفلسطيني للاحتلال العثماني ولما هددوه بحرق أولاده الاثنين قال للمرسال التركي 🙁 قول للباشا اذا بده قطران ابعث ليه .. واذا بده حطب أدز ليه .. خله يحرق ويقتل مثل ما وده .. حنا ما نفرط بكرامتنا ولا نسلم دخيلنا) . فالعنصرية نتنه ومن يمثلها أشد نتانه وقذارة. 💚
وبالنهاي” ما رح أحكي انه حتى البحر الي يفصلنا ميت لكن رح أحكي انه كل العالم يعتبرنا شعب واحد إلا إحنا قسمنا حالنا قسمين..!” 🔐