كافة الحقوق محفوظة © 2021.
“حته مني” بقلم الاعلاميه المصريه نعمه الشيخ
سراب _القاهرة
حته منى ضايعه منى غاب وسابني وخد روحى منى
حته منى انا كلى ليها ومهما تبعد انا روحي فيها
حته منى ومقسوم عشاني ومش هحب انا بعده تاني
حته منى زي ام وابنها الدم واحد وفيا شبه منها
حته منى ومخلوق عشاني وانا معاه بحس اني في عالم تاني
حته مني بقيت بسببه صلبه وقوية وبسنده عليه م الدنيا ديه
حته مني زي الندى في رقته حته مني زي القمر في طلته
حته مني مش عارفه أقرب منها وكل الوجع الا انا في منها
حته مني ومدوباني ومجنناني عاشقاه وهوه مالك كياني
حته مني بيني وبينها بلاد بعيده حته مني فعلا عنيده
حته مني ومستحيل تكون عشاني
حته مني انا حاسه بيها انا روحي فيها وهيه الوحيده اللي عيوني بكت عليها
حته مني القلب داب في عشقها وخايف يقرب منها
حته مني ومش شايفه غيرها ابعد واقرب وصعب احب انا حد غيرها
حته مني مش مكتوبالي حته مني مش مقسومالي
حته مني هعيش واموت بحبها وقلبي ليها وانا بعيد عنها
حته مني زي دمى بيجري في عروقي
حته مني زي الشمس بحبها بس بخاف تحرقني يوم لما أقرب منها
حته مني زي الارض بيلف بيه ومجنني وواخد حبيبي عقلي مني
حته مني مشتاق عيني تشوف ظلها
حته مني عنيد قوي وفي كل حاجه شبهي قوي
حته مني وفارس نبيل صعب تلاقي زيه كتير
حته مني لاء لاء دا كله مني في الابتسامة والكلام وحتى في ملامحي واخد كتير حبيبي مني كأني واقف قدام مرايه فيه نسخه مني