المومني نجمة في عالم الهندسة المعمارية موهوبة،،، قدمت نموذجاً للاصرار والتحدي

سراب نيوز

نقدم أنموذجا لشابة نفتخر بها غدير المومني،خريجة هندسة عمارة عام ٢٠٠٧،تقول المومني عملت من آخر سنة ثالثه بالتصميم الداخلي بدون مقابل.

لما وصلت سنة خامسة كان مشروع تخرجي مفتاح لأبدأ العمل بالاستشارات الهندسيه بمكتب بانوراما لنائب أمين عمان وبعدها تخصصت بالتصميم الداخلي وتصميم الإنارة.

عملت بعدها بشركة دوليه luminaire كانت تعمل بتصميم مشروع العبدلي وسافرت خلالها لأكثر من بلد وكنت أكتسب معرفة من كل مشروع وكل معرض بحضرو.

بعدها قررت وضع حجر أساس صغير لبناء شركتي بمكتب بسيط عمر الشركة الآن ١٣ سنه.. وغيرت أكثر من موقع وتطورت لحد ما الناس عرفت شغلي وأسست شركة كبيره وكبرت المشاريع وصرت أنافس أهم المكاتب بعمان.. وتطورت من تصميم وتنفيذ الفلل البسيطه الى قصور ضخمه ومشاريع حكوميه و الجيش و العائلة المالكة في الأردن وبعدها مشاريع دوليه في الإمارات والسعوديه وقطر وألمانيا ومصر وكندا وسويسرا (ماكان في ايامها سوشيال ميديل كلوعن طريق الزباين بحكو لبعض) والحمد لله الآن الشركة لها ٣ فروع بعمان، دبي، وابوظبي بابراج الاتحاد، مع انجار أكثر من ٣٣٠٠ مشروع تجاري وسكني.

كان المشوار كتير صعب ومن بدايته ملئ بالتحديات والفشل والإحباط والحزن.. لكن اللي بدو شي لازم يجاهد لوصلو وفعلا بقدر يوصلو.. والحمد لله مع دعاء الأهل وبرهم ربنا بوفق الإنسان.. تم الاتفاق معاي ع برنامج تصميم داخلي من ٢٨ حلقه مع تلفزيون الشارقه مدة الحلقه ربع ساعه واحط خبرني بنصائح للناس.. السنه الماضيه كانت صعبه ع الجميع بس قدرت أوقف مرة تانيه وأنقذ الشركة وموظفينها من الانهيار بمساعدة الفريق كامل وصممنا أهم مشروع للشركة هو متحف الشيخ محمد آل نهيان، تسلمت ١٢٦ شهادة شكر على مدى هاي السنوات أهمها جائزة الإمارات للسيدات ٢٠١٩

بالرغم أني متزوجة وعندي ثلاثة أبناء والحمد لله أتممت أخيرا مشروع مهبط الطائرات الخاص، مشروع مركز الدراسات والبحوث الاستراتيجيه وقصر خاص في زيوريخ سويسرا تجاوز ١٥٠٠٠ متر مربع.