بطل ملاكمة أردني يهيم في الشوارع بحثا عن عمل

سراب نيوز

نشر الزميل الصحفي حازم عكروش على صفحته على فيسبوك موضوعا مثيرا عن لاعب بمنتخب الملاكمة، يعاني من أوضاع صعبة للغاية، وفيما يلي نص الموضوع:

الشكر اجزله للصديق زيد حتر على موقفه الإنساني، الذي طلب منه العمل بمحطة غسيل السيارات، لحين ايجاد عمل أفضل له.

يا أهل الرياضة الأردنية تعرفوا على هذا البطل، وافيدونا هل هو فعلا لاعب المنتخب الوطني للملاكمة، وإذا كان كذلك لماذا يترك هائما بالشوارع يبحث عن عمل، الا يوجد مؤسسة اقتصادية وطنية قادرة على تبنيه؟؟
اليس ذلك معيبا للاتحاد واللجنة الأولمبية، إذا كان ما نشر صحيحا.

اتمنى ان يجد هذا البطل الاهتمام من الرأي العام، كما لقي موضوع روبي.

منقول عن صفحة الصديق زيد حتر:

“مساء الخير..اليوم مر عندي على مكتبي شب بدور شغل، اي شغل مهما كان لانه محتاج يصرف على نفسه، لهون الوضع طبيعي جدا، لكن اللي لفت نظري انه حامل حقيبة معلق فيها قفازات ملاكمة، وبسبب الفضول سألته شو هاي؟ حكالي انا بطل ملاكمه وبتدرب بالمنتخب الاردني للملاكمة حاليا، وحاصل على ميداليات ذهبية في كثير بطولات محلية ودولية، هنا شدني الفضول اكثر واجلسته وضيفته وتعرفت عليه اكثر، وحكالي انه قبل فتره كانوا في بطولة وتوفى شاب من الفحيص كان مشارك معه في البطولة شريكه في غرفة الفندق المرحوم البطل راشد صويص، سألته اذا هيك وضعك ليش بتدور شغل، قال انه المنتخب بعطيه ٦ دنانير لكل يوم، ٣ ايام بالاسبوع تدريب، وهو سكان وادي الريان وبتكلفه الرحلة للمنتخب ٨ دنانير مواصلات رايح راجع، بدون ما يشرب ولو كاسة شاي، تعاطفت معه وحكيتله خلي أغراضك عندي و داوم مع الشباب بمحطة غسيل السيارات لحتى نرتبلك شغل افضل،الشي اللي حزني انه كيف بطولات وسفر وجسم متعوب عليه تمارين، هيك وضعه وهيك بعامله المنتخب الاردني،
طولت عليكم، لكن وضع الشب اثر جدا في، وشفت اولادي ومستقبلهم في وطنهم شو مصيرهم حتى لو كانوا ابطال.. اذا بقدر حدا يساعده في مجاله بكون شاكر له، هو لا يطلب مساعدة مادية، هو يطلب شغل فقط”.

“سراب” تتابع

وقامت “سراب” بمتابعة سريعة للموضوع، من خلال بعض المدربين، حيث تبين أن هذا الشاب واسمه إسلام محمد،
كان يتدرب في الاغوار الشمالية عند الكابتن عمر حميد، وكان لاعب منتخب بفئة الشباب.