“كل واحد ينتبه على ولاده”

محمد الفالح الشديفات

المخدرات دخلت بيوتنا من اوسع ابوابها،لا تقولي انا اعرف ابني وبنتي كويس مستحيل يروحوا هيك طريق،لا بدك تنتبه للبنت قبل الشب،خاصة طلاب الجامعات والشباب والبنات الي موخذين سكن طلاب داخل او خارج الجامعات،بدك تنتبه الهم من وين المصاري الي معهم وين يروحوا وين يقعدوا حتى لو إنهم كبار،وإذا تأكدت إنهم مدمنين مخدرات او تجار،لاتكابر وتسكت عليهم وتخجل من المجتمع لا بدك تعالج الموضوع بحل جذري وتعالج ابنك او بنتك او اخوك،اليوم إحنا نعيش في عالم مفتوح على مصرعية وكل شي في متناول اليد وسهل وكل جيل يختلف عن الي قبله،سهل جداً إنه يجرب،عندهم فكرة التجربة واردة وسهله،الي خلا الولد او البنت يدخن او يأرقل قدام اهله وهما شايفين الموضوع عادي،كمان سهل إنه يجرب المخدرات.

مدمن المخدرات اما يقتل نفسه او يتسبب بقتل الأخرين وبالحالتين هو خطر على المجتمع .

المشاكل وجرائم القتل والمشاجرات الي كل يوم نسمع عنها ونشوفها وكيف الناس الي بالشارع العام تتصرف تصرفات مش طبيعية اغلبها من المخدرات .

المسؤولية مشتركة بين الدولة والمؤسسات الأمنية بالقيام بواجبها والجهات التشريعية بسن قوانين رادعة والأهل بمراقبة ابنائهم .